Elgoibarko Udala
burutzen ari den prozesu parte-hartzailea bigarren fasean sartu da
dagoeneko. Azken bileran, udalak bi hilabeteren buruan, 1. fasean
landutako puntuak jasoko zituen akordio proposamen edo araudi bat
luzatzeko konpromisoa hartu zuen. Orain, Udalak proposatuko duen araudia
aurkeztu eta lan taldetan banatuta eztabaidatuko dute maiatzaren 8an egingo duten bileran. “Proposameneko gauza batzuk, indarrean dagoen legediari dagozkionak izanik, ezin dira aldatu, baina gainerakoak guztion artean eztabaidatuko ditugu”, azaldu du Maialen Arangurenek, Elgoibarko Udaleko Gazteria Teknikariak.
- Eguna: Maiatzaren 8, zapatua
- Ordua: 10:00etan.
- Lekua: Elgoibarko Meka ikastetxean
Araudia betetzen ez duten lokaletan, edo zerbait hobetu beharra daukatenek, sei hilabeteko epea izango dute aldaketak egiteko. Adibide bat jarri du Arangurenek: “komuna edukitzea beharrezko baldintza da gazte lokaletan, baina uste baino gehiagotan daukate, komunik gabeko sei lokal bakarrik topatu ditugu-eta". Gazteen aldetik “jarrera ona eta prestutasuna” aurkitu dituztela
gaineratu du Gazteria teknikariak.
•Gizarte lanak laguntzaren truke
Aldaketak egin behar dituzten lokaleei laguntzeko prest dago, bestalde, Udala, “zati bat bada ere”. Herriaren alde egindako lanaren trukean jasoko dituzte laguntzak. “Gizartearen onurarako lanak izango dira, kirol, aisialdi, kultura edo euskarekin, besteak beste, zerikusia izango dutenak”.
Aurrez, lehen faseko hiru bileretan, eztabaidatu eta adostutako ondorioak etxez etxe banatuko ditu Udalak esku-orrietan.
Aurrez, lehen faseko hiru bileretan, eztabaidatu eta adostutako ondorioak etxez etxe banatuko ditu Udalak esku-orrietan.
∞Lotura duten albisteak:
- Gazteen lokalen inguruan sortzen diren gatazkak konpontzeko protokoloa prestatu du Udalak (2010-03-17)