Igoera fasea amaitzeko hiru partidaren faltan, bigarren postuan daude elgoibartarrak, Bergarako taldearekin berdinduta, eta lehen sailkatuarengandik (Egia) puntu batera. Azken bi partidak etxetik kanpo jokatuko dituztenez, berebiziko garrantzia dauka senior mutilek Trapagaranen aurka etxean jokatuko duten partida honek. Hori dela-eta zaleei animatzera joateko deia egin nahi diete taldeko arduradunek. Partida 19:30ean hasiko da.
∞Lotura duten albisteak:
- Igoera fasea jokatuko du Alcorta eskubaloi taldeak (2010-03-08)
•Federopticos Ikus taldea finalean
Bestalde, infantil mailako Federopticos Ikus taldeak Gipuzkoako Txapelketako finala jokatuko du zapatu honetan. Usurbilen jokatu zen finalaurrekoetako partidan Zarauzko Aiala B taldea hartu zuten mendean (21-23) elgoibartarrek. Beste finalaurrekoan ere elgoibartarrek (Aterpe) eta zarauztarrek (Aiala A) neurtu zituzten indarrak. Azken emaitza 24 eta 12 izan zen zarauztarren alde. Hortaz, Ikus eta Aiala A taldeek jokatuko dute finala zapatu honetan (maiatzak 22), Mutrikun, 10:00etatik aurrera.