Ikena 2001 enpresako langileek gaur bertan hasi dituzte Kultur Etxean igogailua jartzeko lanak. Zapateroren Gobernuak emandako dirulaguntzei esker egingo diren bost proiektuetako bat da Kultur Etxean igogailua jartzearena. Igogailua eraikinaren aldamenetik jartzea erabaki zuen Udalak, eskaileren zulotik beharrean, bi aukerak aztertu eta gero. Eztabaida sortu zuen erabaki horrek eta aurkako iritziak ere plazaratu zituzten EA alderdiak eta zenbait herritarrek, baina azkenean eraikinaren ertzetik egingo da.
Dagoeneko lizitatu dituzte, bestalde, Anbulatorio paretik kiroldegira igogailua jartzeko lanak. Proiektu hori, Kultur Etxeko igogailua moduan, Estatuak konbokatutako Tokian Tokiko Inbertsioen Fondo Estatalei esker egin ahal izango da, 445.407 euroko aurrekontua baitute lanok.
•20 lagunentzako edukiera
Igogailuak hamabost metroko aldea gainditzen lagunduko du eta hogei lagunentzako edukiera izango du (gehienez 1.500 kiloko zama eraman ahal izango du). Ateak altzairu herdoilgaitzezkoak izango dira eta kabinako paretak, berriz, kristalezkoak.
∞Lotura duten albisteak: