2010eko Trinitate jaiak iruditan

elgoibarren.net 2010ko eka. 1a, 13:45

{vimeo}12199791{/vimeo}Elgoibarko baserrietako produktu eta abereen azoka berezia, nagusien zein umeen danborradak, artisau azoka, idi-demak, dantza saioak… iruditan jaso dugu aurtengo Trinitate jaiek eman dutena. Argazki esanguratsuenekin osatutako bideoa duzue goikoa. Argazki guztiak, berriz, mediatekan ikus daitezke. (bideoa eta argazkiak dauzka)

•Gazta eta Zanpantzarrak Nagusien Danborradan

1706639665726 2010eko Trinitate jaiak iruditan

Aurtengo Nagusien Danborradako gaia gazta izan da, eta zanpantzarren konpainia, berriz, “sorpresa zaratatsu” gisa iragarri zuten ezustekoa; urtero-urtero berrikuntzak gaineratzen baitituzte danborradaren antolatzaileek. Danborradaren hasiera iragarriz herriko kaleak zeharkatu zituzten Azpeitiko dozena bat zanpantzarrek. Haien atzetik 210 bat lagunek osatutako danborradak, Udal Musika Bandaren laguntzaz, danbor doinuz girotu zituzten kaleak.

Danborradari hasiera ematen dion kainoikadaren aurretik Udal Musika Bandaren 125. urteurrenarekin gogoratu ziren Atabal taldekoak (danborradaren antolatzaileak), eta Bandako zuzendariak, Jose Antonio Osorok, oroigarri bat (Danborradako zapia) jaso zuen Juan Carlos Arrietaren eskutik.

1706639665790 2010eko Trinitate jaiak iruditan

1706639665862 2010eko Trinitate jaiak iruditan

1706639665928 2010eko Trinitate jaiak iruditan

•Zirkoa umeen danborradan
Zirkuan girotutako karroza izan da, berriz, Inazio Bereziartua Musika Eskolak antolatzen duen umeen danborradako protagonistetako bat. Pailazoak, malabaristak, dantzariak, era guztietako animaliak ikus zitezkeen karroza gainean, Majestik zirkuari ez zitzaion detailerik falta.