Zapatu honetan (ekainak 5) jokatuko da VIII. San Migelgo Rallysprinta
Elgoibar eta Etxeberri arteko errepidean. Guztira 62 gidarik eman dute
izena. Aitor Arrieta izango da elgoibartar bakarra. 180 zaldiko Renault
Clio Sport autoa gidatuko du Arrietak.
Proba arratsaldeko 16:ooetan hasiko bada ere, errepidea 15:00etatik 21:00etara bitartean itxita egongo da. Parte hartzaile guztiek hamar kilometro eta erdiko ibilbidea osatu beharko dute hiru ekitalditan.
Aitor Arrieta elgoibartarrarentzat bigarren parte artea izango da aurtengoa, iaz parte hartuzuen-eta estreinakoz. Arazo mekanikoen ondorioz ezin izan zuen nahi eta uste bezain ondo ibili, eta, hortaz, iazkoa hobetzea izango da bere helburua.