“Ezinbestekoa zitzaigun obra hauek egitea orain hamar urte hasitako lan ildoa jarraitzeko. Poliki-poliki eta isil-isilik jardun dugu lanean, baina beti aurrera eginez, Mendaroko estiloan. Talde profesional ona geneukan, baina bitartekoak falta genituen, eta larrialdi zerbitzu berri hau herritarren zein hemen lanean ari diren profesionalen beharren arabera diseinatu dugu”, azaldu du Gorka Sarasola Mendaro Ospitaleko gerenteak, gaur goizean egin duten aurkezpen ekitaldian.
Gorka Sarasolaz gain, Jesus Mari Fernandez Eusko Jaurlaritzako Osasun sailburuordeak, Eduardo Garate Osasun Laguntzako zerbitzuen zuzendariak, eta Irune Berasaluze Mendaroko alkateak parte hartu dute, baina Donostiako Ospitaleko arduradunak eta Mendaro Ospitaleko lantalde handia ere bertan izan da.
•Erreferentziazko ospitalea 80.000 lagunentzat
Beharrak eragindako obrak izan direla nabarmendu dute hitza hartu duten guztiek, eta hainbat datu eman dituzte horren adierazgarri. Mendaroko Ospitalea da Debabarrenako ospitalea, 80.000 herritarren erreferentziazko ospitalea. Iaz, 7.400 lagun ospitaleratu zituzten bertan, 600 haur jaio ziren, eta 5.500 ebakuntza kirurgiko egin zituzten. Era berean, 31.000 lagun artatu zituzten larrialdi zerbitzuetan. Azken hamarkadako datuekin alderatuz gero, baina, nabarmena da gora egin duela. Azken hamarkadan eguneko ospitale mediko-kirurgikoaren jarduera hirukoiztu egin da, eta ingresu gabeko ebakuntza kirurgiko-kopurua bikoiztu egin da. Era berean, azken bi urteotan hirukoiztu egin da etxeko ospitalizazio zerbitzua erabili dutenen gaixoen kopurua.
|
|
|
|
∞Lotura duten albisteak:
- Larrialditarako zerbitzua handituko dute Mendaroko Ospitalean (2008-10-23)
- Etxeko ospitalizazioko zerbitzua maiatzetik aurrera martxan (2008-03-04)
- Operatu ahal izateko 48,9 egun itxaron behar dira, batez beste, Mendaroko Ospitalean (2007-11-21)
- Ospitaleratzeak gora Mendaroko Ospitalean; iaz baino 1.200 gehiago (2007-04-16)