Zapatuetan egoten diren arazoak salatzeko deia

elgoibarren.net 2010ko eka. 24a, 12:29
Deskargatu Info Ahotsak :

Zapatuetan Elgoibarren izaten diren borroka, mehatxu, apurketa, zarata eta, oro har, “basakeria guztiekin” nazkatuta dagoen herritar batek ekintzara pasatzea erabaki du. Bizi duen egoera komunikabideen bitartez salatu nahi du lehenbizi, eta Euskadi Directo saiora deitu du gai honen inguruan erreportaje bat egin dezatela eskatuz. Erreportarien etorreraren berri ematen duten oharrez (argazkian) josi ditu Pedro Muguruza kale inguruko atari eta horma guztiak.


Pedro Muguruza kalea argazkikoa moduko oharrez beteta dago.

 “Jakinaraziko dizuegu erreportajea grabatzera etorriko diren eguna”, idatzi du oharrean. Auzokideei erreportariei askatasunez berba egiteko deia ere egiten du zapatu arratsalde eta gauetan jasan behar izaten dituzten arazoak behin eta berriz errepikatzen direla-eta nazkatuta dagoen herritarrak. Besteak beste, “zaratak, borrokak, mehatxuak, hiri altzarietan eta auto partikularretan kalteak, etab.” Aipatzen ditu. Guztien indarrak batuta indar gehiago egiteko aukera izango dutela aipatuz amaitzen da oharra.
 
 
 
 
 
 
 
Gizartea Elgoibar