Aurten, Elgoibarko hamabi tabernak parte hartuko dute, iaz baino bi gehiagok: Txarriduna, Iriondo, Gabi, King-kong, El Gautxo, Gorbea, Madigan´s, Iturri, Salento, Ametsa, Lanbroa eta Lojantzi, eta bakoitzak bere pintxoa aurkeztu du lehiaketara. Bigarren aldia da Pintxo Lehiaketa antolatzen dutela, eta iaz bezala, euro batean salduko dituzte pintxoak.
Bi sari izango dira: Pintxo Onenaren Saria eta Herritarren Saria. Herriko hiru edo lau gastronomia elkartetako kideek eta Josu Mugertza Belaustegi jatetxeko sukaldariak osatzen dute aurtengo epaimahaia, eta haiek erabakiko dute zein den aurtengo pintxorik onena. Hala ere, herritarrek ere izango dute hitza. Pintxoak dastatzen dituztenek bozkatzeko aukera izango dute, eta boto gehien lortzen dituenak jasoko du bigarren sari hori. Bozketan parte hartzen dutenen artean, Belaustegi jatetxeko dastatze menua zozketatuko dute bi lagunentzat.
∞Lotura duten albisteak:
- Hamabi tabernak parte hartuko dute pintxo lehiaketan (2010-06-17)
- Tabernen arteko II. Pintxo Lehiaketa ekainaren 24an eta 25ean izango da (2010-05-13)
- Arrakastak irentsi du estreinako Pintxo Lehiaketa (2009-07-01)
- Pintxo onenak 'Paulaner Txarriduna' eta 'Gabi' jatetxeek egin dituzte (2009-07-01)
- Pintxoak euro baten truke Gurean Bai I. Pintxo Lehiaketan (2009-06-19)