Ludotekako eta Elgoibarko Adinekoen Kontseiluko pertsona boluntarioen parte hartzeari esker jarri da martxan belaunaldien arteko proiektua. Adinekoak eta haurrak batera egongo diren elkarguneei esker, beraien arteko ezberdintasunek elkarrengan eragina izan dezaketela uste dute antolatzaileek. “Umeei, gero eta lotura gutxiago duten adin-talde bateko partaideekin harremanetan jartzeko aukera ematen die eta horretaz gain, normalean ezagutzarik izaten ez duten gaien inguruko jakintzak jasotzen dituzte”, azaldu dute ekimenaren sustatzaileek. “Adinekoak joandako garaien ordezkari bilakatzen dira era honetan, eta oroitzapenei esker, gazteenei tailerren bitartez ahozkotasuna erabiliz, balore solidarioen kultura eskain diezaiekete”, gaineratu dute.
|
|
