Aldundia Zure Herrian ekimena Elgoibarren izango da uztailaren 8an

elgoibarren.net 2010ko uzt. 1a, 16:38
Deskargatu Info Ahotsak :
es en fr

 
Gipuzkoako Foru Aldundiak Foru Aldundia Zure Herrian izeneko ekimen parte-hartzailea egingo du Elgoibarren, uztailaren 8an. Bertan, Gipuzkoako Diputatu Nagusiak, Markel Olanok eta Eneko Goiak, Azpiegitura Foru Diputatuak, herritarren kritikak eta erronkak partekatu eta hauek egingo dizkieten galderak erantzungo dituzte.



1706639599168 Aldundia Zure Herrian ekimena Elgoibarren izango da uztailaren 8an

  Elgoibarko eta Mendaroko 80 herritar ingururekin elkartuko dira Olano eta Goia etorkizunera begirako arazoak eta erronkak partekatzeko. Diputatu Nagusiak zuzenean entzungo ditu partaideen ekarpenak eta kritikak eta haien galderak erantzungo ditu.
Ekitaldia irekia da eta bertara joan nahi duenak 943 112 290 telefono zenbakira deituz edo kabinetea@gipuzkoa.net helbidera mezu bat bidaliz eman dezake izena.
  Foru Aldundia Zure Herrian ekimenaren helburu nagusia Gipuzkoaren errealitatea ezagutzera ematea eta Aldundia herrietan eta eskualdeetan egiten ari den kudeaketa azaltzea da.
  • EGUNA: Uztailak 8, osteguna.
  • ORDUA: Saioa 19:00etan izango da. 
  • LEKUA: Herriko Antzokia. Elgoibar
  • PARTEHARTZAILEAK:
     Markel Olano, Gipuzkoako Diputatu Nagusia.
     Eneko Goia, Azpiegitura Foru Diputatua eta Gipuzkoako Foru Aldundiko bozeramailea.


 
 
Gizartea Elgoibar