Oraingo fase politikoan “oinarri demokratikoko bigarren trantsizio honetan” independentismoak ardatz bilakatu behar duela ere aipatzen du ezker abertzaleko ordezkariak Uste sendoa eta konpromisoa izenburuko artikuluan. Ildo horretan, Zutik Euskal Herria txostenaren ostean egindako “aldebakarreko apustuak” ezker abertzaleari eraginkortasun handiagoarekin eragitea ekarriko diola uste du. “Eta beste batzuk ere norabide egokian urratsak egiteko baldintzak sortzea erraztu du, bai Euskal Herrian, bai nazioartean”. Otegiren ustez, “enpirikoki egiaztatu dugu apustuak irabazi garbiak ematen dituela”, eta horretan sakondu beharra nabarmendu du. Lankidetzarako eskua luzatu die eragileei.
- Otegiren iritzi artikulua: Uste sendoa eta konpromisoa
*Iturria: Berria.info