Basarteko auzunea bost plataformatan kokatuta dauden etxebizitza blokeek osatzen dute, eta batetik bestera dagoen tartea gainditzea izango da eskailera mekanikoen helburua. Bi eskailera zati eta arrapala jarriko dituzte lehendabiziko etxeetara iristeko. Umeen jolas parketik gora jarriko dituzte eskailerak.
Eskailera mekaniko berriei esker, San Roke eta Erretxindi auzoetarako eta Mintxetarako zein kiroldegirako bidea erraztuko zaie herritarrei. Udalaren arabera, erdigunetik gertuago egongo dira aurrerantzean auzo horiek eta Elgoibarko kirol instalazioak.
