Orain dela hiru urte jarri zituzten martxan Kirol Udalekuak, eta urtetik urtera ume gehiagok hartu dute parte. Lehenengo urtean 90 ume izan ziren, eta aurten 201. Guztira hamar begiralek jardu dute ume horiekin lanean. 60 kirol ordu eskaini dituzte, eta parte hartzaileek hogei kirol mota desberdin praktikatzeko aukera izan dute.
Ramon Mujika Kirol Patronatuko zuzendariak egitasmoaren balorazio positiboa egin du. Eguraldia ere lagun izan dutela adierazi du, eta prestatutako plangintza guztia bete ahal izan dutela gaineratu du.