Proba honetarako babesleak lortzea zaila izan daitekeela kontuan izanik, antolatzaileek jai hau bultzatu nahi dute, sor daitezkeen zailtasunei aurre egiteko. Jai hau dela‐eta, karpa bat jarriko da asteburu horretan. Bertan, Eusko Labeldun saiheskia dastatu ahal izango da, baita beste hainbat produktuz egindako pintxoak ere. Karpa barixaku arratsaldean irekiko da Baltzola anaien kalejirarekin. Zapatuan egun osoan egongo da karpa zabalik, eta bertan bazkaltzeko eta afaltzeko aukera izango da. Jai honetako ekitaldi nagusia gau kros herrikoia (ikusi
zirkuitoa) izango da, baina hori baino lehenago, 18:00ak aldera, lasterketa bat antolatuko da haurrentzat, ustekabeko opari eta guzti.
Sariak barra barra
Lasterketa herrikoian garaikurrak emango zaizkie maila bakoitzeko lehenengo hiru sailkatuei, eta txapeldun absolutuek txapela jasoko dute. Korrikalariei poltsa bana emango zaie, eta
horretaz gain, babesleek emandako opariak zozketatuko dira lasterketa bukatu ostean. Antolatzaileek Elgoibarko eta inguruko herritar guztiak gonbidatu nahi dituzte atletismoaren lehenengo jai honetan parte hartzera:
