Esku pilota partidak, barixakuetan eta domeketan, Plaza Handiko frontoian

Anaien arteko lehia

Hamar bikote ari dira parte hartzen, bi multzotan banatuta, 10 bai taldeak antolatu duen Plaza Handiko estreinako esku pilota txapelketan, eta, barixakuetan eta domeketan jokatzen dituzte partidak Plaza Handiko frontoian. Gaur arratsaldean jokatuko diren bi partidetatik nabarmentzeko modukoa da Txurruka anaiek Karmona anaien aurka jokatuko dutena. Ikusi egin behar nor ateratzen den garaile familien arteko lehiatik. Ezin da ahaztu Txurruka anaiak Sigmako pilota txapelketa irabaztetik datozela. Joan zen astean ere erakutsi zuten sasoiko daudela, bost tantotan laga zituzten-eta Ulazia eta Arrieta. Hona hemen gaurko eta domekako norgehiagokak:

Irailak 10

• Txurruka anaiak – Karmona anaiak
• Gaizka/Sahatzu – Armueta anaiak

Irailak 12

• Zangitu/Egaña – Ulazia/Arrieta
• Karmel/Gerrika – Uriona/Portu

Joan zen astean jokatutako partiden emaitzak:
Irailak 3

• Txurruka anaiak 22 – Ulazia/Arrieta 5
• Armueta anaiak 22 – Uriona/Portu 14

Irailak 5

• Xabi/Perea 19 - Zangitu/Egaña 22
• Basueta/Agirrebeña 22 - Gaizka/Sahatzu 20

•Frontenis maratoia, Mendaron
 Frontenis maratoia antolatu dute Mendaron astebururako. Zapatuan eta domekan jokatuko dira partidak 25 tantutara, eta finala domekan jokatuko dute, 13:00etan. Parte hartzeko baldintza bakarra dago: bikoteak mistoak izan behar dira. Hau da, emakume batek eta gizon batek osatutakoak. Dagoeneko hamar bikotek eman dute izena, baina oraindik badago parte hartzeko aukera. Interesatuek 629 932 458 telefonora deitu dezakete izena emateko.