•Munduko berritsu onena
Orain dela urte batzuk ohikoa ei zen Mingorance moduko berritsuak Plaza Txikian lanean ikustea. Orain, aldiz, galtzear dagoen lanbidea da berritsu saltzaileena.
•Aintzinako Joko eta jolasak
Hilaren 30ean eta urriaren lehenengo egunean, berriz, antzinako joko eta jolasak berreskuratuko dituzte 18:00etatik 20:00etara, eta urriaren 1ean bertan, 22:00etan, umorezko obra bat taularatuko du Taupada antzerki taldeak.
Komediak oroimenean: Komediak izenburuko antzezlana aurkeztuko du Elgoibarko Taupada taldeak Plaza Txikian. Ikuskizunak bi ekitaldi izango ditu. Lehenengoan, magoa, fakirra, pailazoak, abeslariak, dantzariak, malabarista eta aparteko musikariak entzun eta ikusteko aukera izango da. Ekitaldiaren bigarren zatian errifak salduko dituzte eta bukaeran zozketa egingo da. Saioan parte hartuko duten antzezle eta musikari denak elgoibartarrak dira, orain hilabete batzuk eskaini zuten Isladak antzezlanean parte hartu zutenak asko. Informazio gehiago: Komediak oroimenean (PDF)
•Meza eta bazkaria
Urriaren 2an, berriz, 11:30etan Plaza Txikikoen omenezko meza ospatuko dute San Bartolome parrokian, eta meza ostean, Plaza Txikian bilduko dira, ondoren, 14:30ak aldera, bazkaritara joateko. Bazkaritarako izena eman nahi duenak 19 euro ordaindu beharko ditu [75 urtez gorakoek, 7 euro] Euskadiko Kutxaren ondorengo kontu korrontean, norberaren-deiturak adierazita: 3035 0007 28 0071119160.
•Plaza Txikiko erretratu zaharrekin erakusketa
Era berean, Plaza Txikiko argazki zaharrak biltzen hasi dira jai batzordekoak, urriaren 27tik azaroaren 3ra Kultur Etxean erakusketa bat antolatu asmoz. Etxean Plaza Txikiko argazki zaharren bat duenak Muruamendiaraz Gozotegian laga dezake eta itzuliko diote gero, behin eskaneatu ostean.
Plaza Txikia, lehen eta orain
|
|
*Argazkiak: guregipuzkoa.net