‘Komediak oroimenean’ lana aurkeztuko du Taupadak, Plaza Txikiko Astearen barruan

 

 Gerra ondorengo denboran kokatzen da antzezlana. Garai hartan, artista-familiak herriz herri ibiltzen ziren beraien abilezia eta sormena erakutsiz, era horretan diru apur bat irabazteko. Magoa, fakirra, pailazoak, abeslariak, dantzariak, malabaristak eta aparteko musikariak izango dira protagonistak.

• Informazio gehiago: Komediak oroimenean (PDF)

 Ekitaldira joan nahi dutenek Plaza Txikian bertan afaltzeko aukera izango dute. Sanlo elkarteak txosna jarriko du 19:00etatik aurrera, eta bihar goizean ere zabalik egongo da. Bestalde, etxetik aulkia eramatea gomendatzen dute Taupadakoek, sasoi batean Plaza Txikira etortzen ziren komedianteak ikusteko ere halaxe egin behar izaten zen-eta.

•Bazkarian ia 300 lagun

 Bihar, urriak 2, Plaza Txikikoen omenezko meza ospatuko dute San Bartolome parrokian, 11:30etan, eta meza ostean, Plaza Txikian bilduko dira, 12:30ean, ondoren bazkaltzera joango diren lagun guztiak. Bazkaria 14:30ean hasiko da. Antolatzaileek jakinarazitakoaren arabera, ia 300 lagunek eman dute izena.

 

∞Lotura duten albisteak:

• Plaza Txikiko erretratu zaharren erakusketa urriaren 3ra arte (2010-09-27)
• Plaza Txikiko Astea antolatu dute bertan jaio, bizi edo hazi diren hainbat elgoibartarrek (2010-09-15)