Ezpata-dantzak hasiko ditu Errosario kaleko jaiak, domekan

elgoibarren.net 2010ko urr. 1a, 10:58
Deskargatu Info Ahotsak :

 
Domekan hasiko dira Errosario kaleko jaiak, Ama Birjinaren ezpata-dantzarekin. Iaz berreskuratu zuen Haritz dantza taldeak sasoi batean urriko lehen domekan egiten zen ezpata-dantza, eta aurten berriz egingo dute. 11:30ean izango da, meza nagusiaren ostean. (egitaraua eta bideoa dauzka)



  "Lehen urteko urduritasun eta ikarak apur bat baretuta, eta eguraldiak aurten lagunduko digulakoan, dena prest dugu galako jantzi eta ezpatei heltzeko", adierazi dute Haritz Euskal Dantzari Taldeko kideek dantza taldearen blogean.

1706639468935 Ezpata-dantzak hasiko ditu Errosario kaleko jaiak, domekan

Goizeko 11:30ean meza izango da San Bartolome  parrokian, eta bertan parte hartuko dute Haritzeko ezpata-txikiek, Udal txistulari bandarekin batera. Ondoren, 12:30ean, Udalbatzaren konpainian ezpata-dantza egingo dute, San Bartolome eta Errosario kaleetan barrena. Lau lekutan geratuko dira dantza egiteko: eliza atarian lehenik, Altzolatarren Dorretxearen aurrean gero, Errosarioko Amaren irudiari begira ondoren, eta, amaitzeko, Udaletxe parean. Eta behin goseak eginda, bazkaltzera joango dira kofradiakide zein bisitariak.

1706639469003 Ezpata-dantzak hasiko ditu Errosario kaleko jaiak, domekan

 
 Ezpata dantzaz gain, hilaren 6tik 8ra arteko egitaraua prestatu dute antolatzaileek. Besteak beste, txokolate jana, salbea, haurrentzako jolasak eta pilota partidak izango dira. (egin klik ondorengo taulan Errosario kaleko jaietako aurtengo egitaraua ikusteko)
 
 
∞Lotura duten albisteak:
 
 
Gizartea Elgoibar