Izenez txikia baina izatez handia dela erakutsi du Plaza Txikiak

 

  Denboran atzera bidaiatzea moduan izan da elgoibartar askorentzat Plaza Txikiko Astean antolatu dituzten hainbat ekintzetan parte hartzea. Hala, ume sasoitako joko eta jolasak gogora ekartzeko aukera izan zuten barixakuan eta zapatuan. Batetik, horrenbeste urtean Plaza Txikian egiten ziren futbol partidak itzuli ziren, eta, bestetik, txapek, kanikek eta kromoek, hartu zuten gaur egun Play Station eta antzerakoek hartzen duten lekua. Gaur egungo umeek euren guraso eta aitona-amonak zertan ibiltzen ziren jolasean ezagutu eta probatzeko aukera izan zuten, horien argibideak adi-adi entzun ostean.

•Komedianteen itzulera

  Orain urte batzuk moduan, aulkiak hartu eta Plaza Txikira komedianteak ikustera joan ziren, barixaku gauean, herritar asko. Nostalgiarako eta nostalgikoentzako gau aproposa izan zen, baina nostalgiarako adinik ez dutenek ere gozatu ederra hartu zuten Taupada Antzerki Taldeko kideek eskaini zuten Komediak oroimenean antzezlanarekin. Behinola moduan, magoek, pailazoek, fakirrak eta bailaorak igo ziren, besteak beste, Aita Agirre eraikinaren aurrean jarri zuten oholtza gainera, eta zozketaren ohitura ere berreskuratu zuten.

ARGAZKIAK:

•Komediak oroimenean antzezlana:

 

•Lagunarteko bazkaria: