Mendian zein errepidean, bizikletan ibiltzeko eguna izango da Pilarikakoa

•Debabarreneko II. BTT Martxa

Debegesak, Elgoibarko Kirol Patronatoak eta Ameikutz TKT, Bikeibar eta Muskurutxu MBT klubek antolatu dute urriaren 12an egingo den Debabarreneko II. BTT martxa. Iaz, estreinako edizioan, 225 parte hartzaile eduki zituen martxak. Partaideek 25 kilometroko ibilbidea egitea edo 45 kilometrokoa izango dituzte aukeran. 09:00etan izango da irteera ordua bi kasuetan eta biak hasi eta bukatuko dira Debabarreneko BTT zentroaren harrera puntuan, Elgoibarko Mintxeta Kirolgunean. Txirrinduzaleek Karakate inguruak zeharkatuko dituzte. Ibilbidean zehar bi abituallamendu postu jarriko dituzte eta amaieran beste bat.

 Interesatuek urriaren 8ra arte dute izena emateko aukera -momentuz, 90 lagunetik gora daude izena emanda-. Galdetegi bat bete behar da izena emateko; galdetegi hori www.debabarrenaturismo.com web gunean aurkituko duzue. Web gune horretan, gainera, martxaren gaineko informazio osoena ere badago: iazko edizioaren bideoa, ibilbideen, araudiaren, sarien eta gainerako guztiaren gaineko informazioarekin. Martxaren egunean bertan ere eman daiteke izena, 08:00etatik 08:45era bitartean, betiere, dortsalik libre baldin badago. Federatuek 12 euro ordaindu beharko dute eta gainerakoek 15.
Informazio gehiago nahi izanez gero, deitu honako telefono zenbakira: 943 82 01 10 (Debegesako Turismo Saila).
 

  Ohi bezala, Pilarika Egunean, urriaren 12an, jokatuko da txirrindulari denboraldiari amaiera ematen dion San Pedrora txirrindulari igoera, afizionatu mailako txirrindularientzat. Lagunak Txirrindulari Elkarteak antolatzen duen proban, Plaza Handitik irtengo dira partaideak, 12:00etan. Iaz, 2008ko edizioan moduan, Josu Uriarte markinarrak irabazi zuen proba.