San Pedroko txirrindulari igoera Iñigo Lazkanorentzat

elgoibarren.net 2010ko urr. 12a, 14:45
Deskargatu Info Ahotsak :

Iñigo Lazkanok irabazi du Elgoibarko Lagun Taldeak antolatzen duen San Pedroko bizikleta igoeraren 19. ekinaldia. Lehen parte hartzea zuen arren, nagusitasun handiarekin lortu du garaipena mendaroarrak: hamalau minutu eta 41 segundotan igo ditu Plaza Handitik San Pedroko gainera arte dauden malda pikoak. Emakumezkoetan Ainhoa Lendinez izan da, beste behin, bizkorrena (18:09). Behe laino itxia eta zirimiria izan dituzte bidelagun parte hartu duten 44 txirrindulariek. (argazkiak, bideoa eta sailkapena dauzka)


1706639461325 San Pedroko txirrindulari igoera Iñigo Lazkanorentzat

1706639461361 San Pedroko txirrindulari igoera Iñigo Lazkanorentzat

Idotorbe-San Pedroko gainera ailegatzeko 500 bat metroren faltan jo duen eraso bortitzari esker irabazi du Iñigo Lazkanok aurtengo San Pedroko Igoera. Ordura arte iheskide zituen hiru lagunak (Mikel Hernandez, Hazibar Iraolagoitia eta Jorge Gonzalez) atzean laga eta bakar bakarrik ailegatu da helmugara. Laukotean atzean geratu den lehena bera izan den arren, atzetik aurrera eginez, bigarren postuan sailkatzea lortu du Jorge Gonzalez elgoibartarrak. Gonzalezek ondo baino hobeto ezagutzen du San Pedroko Igoera, 2006koa, esaterako, berak irabazi zuen. Esperientzia horretaz baliatuz, ederki neurtu ditu indarrak eta bigarren postua eskuratu du.
Hirugarren postuan Mikel Hernandez sailkatu da eta Hazibar Iraolagoitia eta Iñigo Lariz sailkatu dira, hurrenez hurren, laugarren eta bosgarren postuetan. Iñigo Lariz elgoibartarra da, hain zuzen, probako errekorraren (13:21) jabe, eta halaxe jarraituko du, beste urtebetez, gutxienez.(beherago daukazue sailkapen osoa)
•BIDEOA: XIX. San Pedrora txirrindulari igoerako zenbait une eta Iñigo Lazkano irabazlearen adierazpenak
 
•Argazkiak:

Kategoria ezberdinetako irabazleak.

Iñigo Lazkano, irabazlea.

44 txirrindularik parte hartu dute XIX. edizioan.

Bigarren postuan heldu da Jorge Gonzalez.

1706639461669 San Pedroko txirrindulari igoera Iñigo Lazkanorentzat

1706639461737 San Pedroko txirrindulari igoera Iñigo Lazkanorentzat

1706639461775 San Pedroko txirrindulari igoera Iñigo Lazkanorentzat
•2010eko SAILKAPENA:
1.    Iñigo Lazkano    14 minutu 41 segundo
2.    Jorge Gonzalez    14:47
3.    Mikel Hernandez 14:47
4.    Hazibar Iraolagoitia    14:58
5.    Iñigo Lariz     14:58
6.    Oscar Oncala    15:04
7.    Jose Mari Fernandez    15:34
8.    Gorka de la Horra    15:49
9.    Iñaki Gorosabel    16:09
10.    Ion Revert    16:21
11.    Beñat Zafra    16:26
12.    Ibon Gabilondo    16:33
13.    Moises Uriarte    15:55
14.    Ion Agirrebeña    17:35
15.    Xabier Elgezua    17:41
16.    Enekoitz Elorza    17:43
17.    Jose Felix Iglesias    17:48
18.    Jose Antonio Agote    17:54
19.    Martin Dominguez    17:58
20.    Enrike Astigarraga    18:05
21.    Ainhoa Lendinez    18:09
22.    Tomas Arizaga    18:20
23.    Aitor Romera    18:36
24.    Ricardo Huidobro    19:06
25.    Iosu Juaristi    19:10
26.    Yokin Bergara    19:14
27.    Gorka Cebrian     19:19
28.    Fabian Castro     19:37
29.    Raul Santa Marta    19:37
30.    Imanol Cengotita    19:44
31.    Martin Dominguez    19:49
32.    Victor Bengoetxea    19:49
33.    Gorka Zabala    20:08
34.    Eugenio Lendinez    21:01
35.    Iker Amutxastegi    21:11
36.    Ion Mekolalde    21:17
37.    Ivan Gurrutxaga    21:37
38.    Sergio Rodriguez    22:20
39.    Asier Besga    23:11
40.    Angel Irusta    23::45
41.    Aitor Oñederra    24:21
42.    Julian Rodriguez    24:24
43.    Julen Agirreburualde    24:24
44.    Jose Migel de la Pela    26:06
 
 
 
 
 
Kirola Elgoibar