Joan zen zapatuan, urriaren 9an, hasi ziren lau pilotariak finala jokatzen, baina euria zela-eta bertan behera laga behar izan zuten Karmel eta Gerrika markagailuan aurretik, 11 eta 10, zirenean. Bi bikoteak 12. tantora ailegatu gabe zeudenez, berriz ere hutsetik hasi zuten finala atzo. Eta, esan moduan, Txurruka anaiek jantzi zuten azkenean irabazlearen txapela. Txapelketako partida ia denetan moduan, ikusle asko gerturatu zen Plaza Handiko frontoira. Uztailean Sigmako pilota txapelketa irabazi ostean, honakoa aurten lortzen duten bigarren txapela da Talaixa baserriko anaientzat.
*Argazkia: Aitor Zabala