Hamar ordu, 6.000 esaera zahar eta 600 lagun

Arrakastatsua izan zen izan zen Elgoibarko Izarrak eta Elgoibarko Udalak (Kutxaren eta Danobaten babesarekin) elkarlanean antolatutako ekimena. Erronka handia zen 600 lagun mikrofonoaren aurrera eramatea, baina jendeak berehala ulertu zuen ekimenaren esanahia zein zen, eta antolatzaileen esanetan “guk uste genuena baino errazagoa izan da. Jendeak ikaragarri ondo erantzun dio gure gonbiteari, eta baiezkoak bata bestearen atzetik jaso ditugu; ezezkoak oso-oso gutxi izan dira”.

  Goizeko 09:00etan puntuan, antolatzaileak eta babesleak bertan zirela, ekin zioten esaera zaharren irakurketari, eta, esan bezala, etenik gabeko hamar orduko jarduna izan zen (elgoiBARREN.net orainkariak zuzenean eskaini zuen). Amaiera-ekitaldia, berriz, arratsaldeko 19:00etan izan zen. Biolinen doinuak lagun zituztela, Gotzonen etxekoak izan ziren azkenak esaera zaharrak irakurtzen, eta denen izenean, Jenaro Garatek esker oneko hitzak izan zituen pleno-aretoan bildu zirenentzat. Alkateak eta Elgoibarko Izarrako dinamizatzaileak ere egin zituzten berba batzuk, eta, amaitzeko, Gotzon Garateren bideo bat jarri zuten.
  Udaletxeko pleno-aretoan bildutakoei galletak eta ardo gozoa banatu ondoren eman zitzaion amaiera hamar orduko iraupena izan zuen irakurraldiari.

•ARGAZKIAK: Irakurketa publikoan parte hartu zuten 600 lagunen errepaso-fotografikoa mediatekan ikusi dezakezue.