Ohi moduan, Ataungo hiru auzoetan barrena egin zuten saltaka kirolariek: San Martin, San Gregorio eta Aia; 17,3 kilometroko ibilbidea osatuz. Gizonezkoetan Juan Carlos Valdivieso beasaindarrak lortu zuen garaipena, 58 minutu eta 58 segundoko markari esker. Emakumezkoetan, esan moduan, Maite Maiora izan zen bizkorrena. Mendaroarrak, gainera, ordubete, bederatzi minutu eta 24 segundotan laga du emakumezkoen probako marka berria.
Denboraldi aparta egiten ari da Maite Maiora. Zumaiako Zakila Bira maratoi erdian eta Uharte Arakil-Beriaineko Kilometro Bertikalean lortu zituen bigarren postuak eta Azpeitiko kilometro bertikalean lortutako hirugarren postua nabarmendu behar dira orain arte egin dituen lasterketen artean.
- Informazio gehiago: Maite Maiorari eginiko elkarrizketan (BARREN astekariko 755. zenbakia/PDF)
*Argazkia: artxibotik.