Hitzen Uberan proiektuari forma emateko idazleak, editoreak, ilustratzaileak, sareko komunikazioko adituak eta beste izan dituzte aholkulari Uxue Alberdik eta Oier Guillanek. Kolaboratzaile sare zabal eta irekiaren artean dago Antton Alberdi elgoibartarra ere, webgunearen diseinuaren egilea. Honakoa ez da Guillanek eta Alberdik literaturaren inguruan elkarrekin egin duten estreinako lana, Euskal Idazleen Elkarteak ekoizten duen Testuketan irratsaioaren arduradunak baitira biak. Asteburuan emititzen dute Herri Irratian: zapatu arratsaldetan izaten da lehen emanaldia eta domekan errepikapena, 19:00ak aldera.
Uxue Alberdik Berria egunkariari esandakoaren arabera, “Hiru ardatz nagusi izango ditu literaturaren inguruko atari berriak: eduki sortzaileak eta albisteak; biltegia; eta ipar orratza. Eduki sortzaileak eta albisteak guk edo kofradiako kideek [webgunean erregistratutako erabiltzaileek] sareratutakoak izango dira, haiek ia-ia gure eskumen berberak izango baitituzte webgunean parte hartzeko. Biltegiari dagokionez, Gatzetan gordeak atalean Testuketan irratsaioko elkarrizketa eta kolaborazio guztien audioak jaso ditugu, eta orain egiten ditugun elkarrizketa eta erreportaje berriak ere hor gordetzen joango dira. Hirugarren ardatzean, ipar orratzarenean, beste hedabideetan literaturaren inguruan agertzen den guztiaren berri ematen saiatuko gara”.
Uxue Alberdik Berria egunkariari esandakoaren arabera, “Hiru ardatz nagusi izango ditu literaturaren inguruko atari berriak: eduki sortzaileak eta albisteak; biltegia; eta ipar orratza. Eduki sortzaileak eta albisteak guk edo kofradiako kideek [webgunean erregistratutako erabiltzaileek] sareratutakoak izango dira, haiek ia-ia gure eskumen berberak izango baitituzte webgunean parte hartzeko. Biltegiari dagokionez, Gatzetan gordeak atalean Testuketan irratsaioko elkarrizketa eta kolaborazio guztien audioak jaso ditugu, eta orain egiten ditugun elkarrizketa eta erreportaje berriak ere hor gordetzen joango dira. Hirugarren ardatzean, ipar orratzarenean, beste hedabideetan literaturaren inguruan agertzen den guztiaren berri ematen saiatuko gara”.
- Uberan zer den jakin nahi al duzu? Sartu eta nabiga ezazu: Hitzen Uberan (uberan.org)