Biktimak gogoratuko dituzte Oroimenaren Egunean

elgoibarren.net 2010ko aza. 5a, 09:53
Deskargatu Info Ahotsak :

 
Gipuzkoa, Bizkaia eta Arabako erakunde guztiek, tartean Elgoibarko Udalak, datorren asteko eguaztenean, hilak 10, ospatuko dute Terrorismoaren Biktimak gogoratzeko Oroimenaren Eguna. Atentatuen ondorioz biktimarik egon ez den egun bakarra da egutegian.


  “Terrorismoaren biktimen oroimenerako eta omenaldirako”, Oroimenaren Eguna izendatu du azaroaren 10a Eusko Legebiltzarreko Eledunen Mahaiak. Azaroaren 10a aukeratu dute, hain justu, haien esanetan, alde bateko edo besteko biktimarik egon ez den eguna delako: “Egun horretan ez dago deitoratu beharreko urteurrenik. Berez, inorena ez den eta era berean guztiona den urteurrena da. Egun horrek gogoraziko digu gertatu dena eta sekula ere berriro gertatu behar ez duena”, dio Eledunen Mahaiak, joan den maiatzean onartu zuen testuak.

1706639397454 Biktimak gogoratuko dituzte Oroimenaren Egunean

  Elgoibarren ere, gainerako udal eta erakundeetan bezalatsu, ekitaldi xume batekin gogoratuko dituzte biktimak. Hala, azaroaren 10ean, eguerdiko 12:00etan, “Oroimenaren Eguna” izeneko aldarrikapen instituzionala irakurriko dute udaletxeko pleno aretoan. Segidan, lore sorta bat utziko da Giza Eskubideen parkean landatuta dagoen Gernikako Arbolaren kimuaren oinetan.
 
∞Lotura duten albisteak:

 
Gizartea Elgoibar