Kultur Etxea 170 perretxiko motaren erakustoki izan da

elgoibarren.net 2010ko aza. 9a, 08:32

{vimeo}16624651{/vimeo}Hego haizea zela-eta, perretxiko erakusketa antolatu ahal izateko ale gutxi batuko zituzten beldur ziren, joan den astean, Karakate elkarteko kideak. Usteak erdi ustel. Aranzadi Zientzia Elkarteko adituek lau ordutik gora behar izan zituzten inguruko mendietan batutako perretxikoak multzokatu eta izendatzeko, eta 170 perretxiko mota baino gehiagorekin osatu zuten azkenean erakusketa. (bideoa eta argazkiak dauzka)

1706639394261 Kultur Etxea 170 perretxiko motaren erakustoki izan da

1706639394297 Kultur Etxea 170 perretxiko motaren erakustoki izan da

Orain lau urte hasitako bidetik, perretxiko erakusketa antolatu zuen domekan Karakate elkarteak, Kultur Etxeko erakusketa gelan. Aurten ere perretxiko mordoxka ikusi eta ezagutzeko aukera eduki zuten bertaratu ziren lagunek. Antolatzaileak gustura daude erakusketak izan duen harrerarekin. “Jende asko ibili zen egun guztian, baina, batez ere, domeka goizean”, azaldu du Jose Antonio Osorok, Karakateko kideak. Dozena bat lagunek azken egunetan perretxikoak batzen egindako lana ere nabarmendu du Osorok.

Atzo, berriz, eskola umeen txanda izan zen. Karakate elkartekoek nahi beste argibide eman zizkieten bost taldetan banatuta Kultur Etxetik pasa ziren 140 gaztetxo ingururi. Itxura arraroeneko perretxikoek eta pozoitsuenek erakarri zuten perretxiko artean ibili ziren umeen arreta, eta baita usaintsuenek ere; usain txarrenekoek, batez ere. Bisitaldiaren amaieran, Jose Agustin Olaso Karakateko kidearen azalpenak entzun ostean (goiko bideoan ikus dezakezue), eskolara itzuli ziren ikasleak.

•Argazkiak:

1706639394337 Kultur Etxea 170 perretxiko motaren erakustoki izan da