Azaroaren 22an Santa Zezilia eguna dela-eta, hainbat ekitaldi antolatu
dituzte herriko musikariek datozen egunetarako. Gaur arratsaldean
hasiko dira ekitaldiak. Musika eskolak antolatuta, trikitilariek
kalejira egingo dute 18:30ean hasita. Kanpotik ere etorriko dira musikariak, baina: Miren Fernandez abeslari azpeitiarrak (argazkian) kontzertua eskainiko du, bihar, Mendaron; eta, gaur hasiko da Sotoko Hotsak musika jaialdia.
Inazio
Bereziartua musika eskolako ikasleek kontzertua eskainiko dute, gaur, 19:30etik aurrera, musika eskolako
auditorioan. Ekitaldi horretan, ikasturteko diplomak banatuko dituzte.
Sotoko Hotsak, musika berezien jaialdia, ere gaur hasiko da Tzesne & Paralux taldearen kontzertuarekin, eta,
azkenik, Miren Fernandez abeslariakLaztantzen nauen eskua bere
estreinako diskoa aurkeztuko du bihar, 22:00etan Mendaroko San Agustin
kurturgunean emango duen kontzertuan.
•Udal Musika Banda
Udal Musika Bandak, bestalde, bihar hasiko ditu Santa Zeziliaren omenezko ospakizunak. Iluntzeko 19:00etan bandako hildakoei eskainitako meza izango da San Bartolome parrokian. Domekan, berriz, kalejira egingo dute 10:15ean, eta 12:30ean kontzertua emango dute Herriko Antzokian. Abesti batean, Duo Plaentxi taldeak ere parte hartuko du. Azkenik, astelehenean, Ikastolako ikasleak kalejiran irtengo dira. Goizean Plaza Handitik Ikastolaraino joango dira, eta, arratsaldean, alderantzizko bidea egingo dute.
Udal Musika Bandaren kontzertuko egitaraua:
Embrujo de Ana, pasodoblea (R. Domenech)
Sedona, obertura (S. Reineke)
Mari Celi. Polka. (F. Corto)
Los madroños de la gran via, fantasia. (F. Chueca)
En mi viejo San Juan, Duo Plaentxi taldearekin. (I- Urkizu).Haizeak antolatuta, liburutegian.
