Etiketak ezagutu eta interpretatzeko hitzaldia, gaur, Kultur Etxean

  Kontsumo iraunkorra ardatz hartuta, bost hitzaldi eskainiko dituzte gaurtik eguenera bitartean Kultur Etxean. Eusko Jaurlaritzak kudeatzen duen Kontsumo Gelak zentroak eskainiko du lehen hitzaldia: "Etiketen arloa", gaur, 17:00etatik 19:00etara bitartean, Kultur Etxean.

•Datozen hitzaldiak
Biharko (azaroak 24) hitzaldian kontsumo arduratsua eta kontsumismoaren ondorioak aztertuko dituzte. Eguenean (azaroak 25), berriz, tokiko eta garaiko sukaldaritza ekologikoa, batetik, eta, kontsumo osasuntsu eta arduratsuarekin lotutako ereduak, bestetik, landuko dituzte bi hitzalditan. Eta, eguna amaitzeko, sukaldari batek tokiko eta garaiko elikagai ekologikoekin prestatutako jakien dastaketan parte hartzeko aukera izango da.

• Ikusi hemen: Hitzaldien inguruko informazio osoagoa (PDF)

•Elgoibar Berdea saritua

Conama Fundazioak herri txiki eta ertainen iraunkortasuna saritzeko antolatutako II. Lehiaketan sari bat: 5.000 eta 30.000 biztanleen arteko atalean lehen accesita, hain justu, eskuratu du Elgoibarko Udalak, Elgoibar Berdea ekimenari esker. Aurkeztu ziren 135 proiekturen artean Elgoibar Berdea ekimenaren “berrikuntza, helburuak, helburuak gauzatzeko metodologia, ahalegina eta, besteak beste, lortutako emaitzak” hartu ditu aintzat lehiaketako epaimahaiak. Argazkian, Alfredo Etxeberria Elgoibarko alkatea, gainerako alkateekin, eguaztenean (azaroak 24), Madrilen egin zen sari banaketa ekitaldian.