Bi gune nagusuitan banatuta egon zen feria. Lagun Taldea txirrindulari taldeko kideek burruntzian erre zuten 90 kiloko txerriaren bueltan, Nafarroa plazan, sabela betetzea zen garrantzitsuena. Eta, txerrikiak arrakasta handia eduki zuen, eguerdirako apenas geratzen baitzen pintxorik eskaintzeko.
Feriako beste gunean, Leku Ederren jarri zuten karpapean, berriz, kontzientzietan eragitea eta kontsumo iraunkorraren aldeko mezua zabaltzea, eta ezagutaraztea, izan zen antolatzaileen eta Kontsumo Iraunkorraren eta
Arduratsuaren I. ferian parte hartu zuten lagun guztien (Udala, Debemen, Emaus, Biolur, Econat, Jaurlaritza, Gipuzkoako Diputazioa eta herriko ikastetxeak) asmoa. Horretarako, bigarren eskuko produktuen merkatua, Debesak eskualdean abiarazi dituen hainbat ekintzari buruzko informazio postua, etxeko hondakinak gaika sailkatzearen garrantzia azaltzen zuen postua edo plaka fotoboltaikoen funtzionamendua azaltzen zuena egon ziren, besteak beste, Leku Ederreko karpan. Izan ere, Elgoibar Berdea dekalogoan jasota dauden hamar ekimenetako batzuk jendearengana hurbiltzea eta ezagutaraztea izan zen feriaren helburuetako bat.
•Argazkiak:
|
|
|
|
|
|
|
|
|
|
|
|
|
|
|
|
|
|
