Iker Maiora Gipuzkoako txapeldunorde maratoian

Iker Maiora mendaroarrarrak iazko marka (2:27:21) gainditzea zuen helburu aurtengo Donostiako maratoian, baina minutu bat eta 16 segundu gehiago behar izan ditu aurten. Dena dela, “lasterketa zelan joan zen ikusita”, eginiko lasterketa eta denborarekin gustura zegoen amaieran mendaroarra. Gipuzkoako txapela errepikatzeko, berriz, itxaropen gutxi zituen Maiorak, Asier Cuevas moduko arerio gogorra gainditu behar baitzuen horretarako. Maiorak oso ondo ezagutzen ditu Cuevasen gaitasunak, entrenamendu asko egin baitituzte elkarrekin eta iazko maratoian, urrutira joan gabe, maratoi erdiraino lagundu zion eibartarrak mendaroarrari. Laguntza hura falta izan zaio, beharbada, Maiorari iazko marka hobetzeko bere buruaren aurkako borrokan. 

•14 elgoibartar
  42 kilometro eta 135 metroko ibilbidea berez da gogorra, baina Nazioarteko Donostiako Maratoiaren 33. ekitaldia amaitzea lortu zuten 2.435 lagunek (ikusi hemen: emaitzak) demaseko hotza, eta tarteka elur bustiari, aurre egin behar izan zioten. Tartean ziren 14 elgoibartarrek ere galtzak bete lan eduki zituzten Anoeta estadioaren barruan zegoen helmugaraino ailegatzeko. Aipagarria da, hala ere, eguraldia ez zela marka bikainak lortzeko oztopo izan. Hala, bost antxitxikari elgoibartarrek hiru orduz azpitik amaitzea lortu zuten. Horien artean, Xabier Bergaretxeren denborak (2:39:53) eta sailkapen nagusiko postuak (51. postuan sailkatu zen) aipamen berezia merezi dute. Iker Maiora helmuga zeharkatu zuen 10. korrikalaria izan zen.

•Afrikarrak nagusi
  Elijah Muturi kenyarrak irabazi zuen, ezustean, Donostiako maratoia. Rafa Iglesias, iazko irabazlea zen faboritio nagusia eta aurreko egunetan errekorraren bila aterako zela adierazi zuen, gainera. Maratoiak, baina, bere legea ezarri zuen eta Salamankako atletak ezin izan zion Muturiren erritmoari eutsi. Kenyako antxitxikariak 2:13:29ean geratu zuen kronoa. Emakumezkoetan ere afrikarrak nagusi, Tirhas Enun etiopiar gaztea izan zen-eta azkarrena (2:38:47), Tigasti Gebreselassie herrikidearen aurretik. (ikusi hemen: lasterketaren bideo laburpena)

Elgoibartarren postuak eta denborak:

51. Xabi Begaretxe (2:39:53)
80. Roberto González (2:45:06)
210. Iñigo Lariz (2:54:19)
329. Iñigo Iturbe (2:57:06)
355. Asier Arrieta (2:57:58)
1.102. Jose Luis Diez (3:23:23)
1.301. Mikel Agulló (3:27:56)
1.310. Jose Ignacio Pérez (3:28:08)
1.461. Jorge Elkoro-Iribe (3:32:00)
1.626. Asier Arzamendi (3:38:02)
1.641. Javier Oñederra (3:38:40)
1.745.  Iñigo Iparraguirre (3:42:37)
1.746. Javier Guallar (3:42:38)
2.049. Juan José Martinez (3:56:25)

 

Argazkiak: