Plaza Handia betetzeko adina eskubaloi jokalari daude Elgoibarren

elgoibarren.net 2010ko abe. 1a, 09:40
Deskargatu Info Ahotsak :
es en fr

Sanlo eskubaloi taldea osatzen duten 216 jokalariak; 123 neska eta 93 mutil, entrenatzaileak eta zuzendaritzako kideak familia argazkia ateratzeko batu ziren, joan den zapatuan, Plaza Handian.

 

  Argazkia ikustea besterik ez dago eskubaloiak Elgoibarren duen indarraz ohartzeko. Ala izanik ere, hazten jarraitu nahi dute zuzendaritzako kideek, eta horretarako, denboraldi berriari begira Sanloren Bazkide Laguntzaile kanpaina jarri dute martxan.

Bazkide laguntzaile txartelak eta bufandak saldu zituzten Sanloko kideek Plaza Handian jarri zuten karpan.

Sanlo kirol-klubaren argazki ofiziala ateratzeaz gainera, bazkide berriak lortze aldera, bazkide laguntzaile txartelak saltzera ere atera ziren, zapatuan, Sanloko kideak. Hogei euro balio ditu txartelak, eta erosten duenak %10eko deskontua izango du Astigarraga kirol dendan, Ikus optikan eta Lete jantzi-dendan egindako erosketa guztietan. Txartelak eskubaloi denboraldi guztirako balio du. Sanloko zuzendaritzakoek herritarren laguntza eskatu dute, eta txartela erosteko eskaera egin dute, herriko kirol elkarte bati laguntzeaz gain, merkataritza sustatzeko modua ere badelako. Honako telefono zenbakira deituta lor daiteke txartela: 943 748 921.
 
 
 
 
Kirola Elgoibar