Ameikutz musika eskolako ikasleen kontzertua 19:00etan hasiko da eta 60 musika ikaslek parte hartuko dute bertan. Bederatzi taldetan banatuta dozena bat abesti joko dituzte, horietako batzuek, Gabon kutsukoak, sasoiari dagokion moduan. Sarrerarik ez da ordaindu behar, baina San Agustin kulturgunean (Garagartzan) lekua mugatua denez, sarreren txartelak aurrez eskuratzea gomendatzen dute antolatzaileek. Honako telefonora deituta lor daitezke doako sarrerok: 619 306 493.
Inazio Bereziartua musika eskolako ikaslek ere, urtero bezala, ikasturtean ikasitakoa jendaurrean erakusteko aukera izango dute Gabonetako kontzertuan. San Bartolome parrokian izango da, eguaztenean, 20:00etatik aurrera.
- Ikusi hemen: egitaraua (PDF)