Igogailuaren kabina eta San Roke auzoa batuko dituen 22 metroko pasabidea jartzeko lanek ikusmina piztu zuten auzotarren artean. Azkenean, baina, uste zitekeena baino errazago egin zituzten egitekoak behargiñek. Izan ere, garabi indartsuak zailtsun handiegirik gabe, eta uste baino azkarrago jarri zuen bere lekuan altzairuzko pasabide pisutsua.
Igogailua urtarrilerako edo otsailerako amaituta egongo dela uste dute udal agintariek (uztailean hasi zituzten igogailua eraikitzeko lanak). Proiektu hori, Kultur Etxeko igogailua moduan, Estatuak konbokatutako Tokian Tokiko Inbertsioen Fondo Estatalei esker egin ahal izan da. Proiektuaren aurrekontua 423.489,62 eurokoa da eta Zabaldu eraikuntza enpresa da lanen arduraduna.
Igogailuak hamabost metroko aldea gainditzen lagunduko du eta hogei lagunentzako edukiera izango du (gehienez 1.500 kiloko zama eraman ahal izango du). Ateak altzairu herdoilgaitzezkoak izango dira eta kabinako paretak, berriz, kristalezkoak.
|
|
*Argazkiak: Aitor Zabala.