Non hago, zer larretan Urbiako artzaina

elgoibarren.net 2011ko urt. 3a, 10:20

J. Aranburu elkarteak aurkeztutako gaztak irabazi zuen Gabon Zahar Feria egunean urteko gaztarik onena aukeratzeko egin zen lehiaketa. 2010 urtean lehiaketa gehien, eta garrantzitsuenak, irabazi dituen gaztagileak dira Aranburu elkartekoak; Elgoibarkoarekin zortzi txapel eskuratu dituzte orotara. Horrela bada, ulertzekoa da Aranburu anaietako bik, Juanjok eta Jesus Marik, sari banaketan zuten poza. Urte ezin hobeari amaiera emateko, orain gutxi hil den Xabier Lete akorduan, mikrofonoa hartu eta emozioari ezin eutsirik Xalbadorren heriotza abesteari ekin zioten bi anaiek. (Gabon Zahar Feriako lehiaketen emaitzak argazkiak eta bideoa dauzka)

•Gazta bezain urte borobila

Juanjo eta Jesus Mari Aranburu, Urteko Gazta Txapelduna lehiaketako irabazleak.

Sei gaztagilek parte hartu zuten Urteko Gazta Txapelduna lehiaketaren hirugarren edizioan; 2010 urtean zehar, Idiazabal Jatorri Izendapenaren Batzorde Arautzailearen ardurapean antolatu diren ardi-gazta lehiaketa bat edo gehiago irabazi duten gaztagilek bakarrik, txapeldunetan txapeldunek, alegia. Eta, Elgoibarren ere, 2010 urtean lehiaketa gehien irabazi dituen gaztagileak, J. Aranburu elkarteak, eskuratu zituen gazta irabazleari zegozkion 1.500 euroak. 2010ean zortzi txapel eskuratu dituzte Idiazabalgo anaiek: Legazpi, Ordizia, Hondarribia, Bilbo, Gernika, Eibar, Euskal Herriko Txapelketa eta aipaturiko Elgoibarko Urteko Gazta lehiaketa irabazi dituzte.
Gazta lehiaketaz gain, beste hainbat sari ere banatzen dira Gabon Zahar Ferian. Hona hemen emaitzak:
•Barazki lehiaketa
1.saria: Jose Manuel Zabalegi (Olatxo baserria, Martutene)
2.saria: Peio Rubio (Txillarre baserria, Elgoibar)
3.saria: Alejandro Arrieta (Xemein Gain, Markina-Xemein)

•Fruta lehiaketa
1.saria: Antonio Iparragirre (Sagarmiña baserria, Mutriku)
2.saria: Manu Iradi (Beheko Etxe baserria, Gabiria)
3.saria: Edurtzeta Atutxa (Iuriberri Goikoa, Igorre)

•Beste sari batzuk
Saltoki onena: Antonio Iparragirre (Sagarmiña, Mutriku)
Mendiak hobekien zaindu dituen baserria: Prudencio Izagirre Oñederra

•Ihes egin zuen behiak izua eragin zuen

1706639292919 Non hago, zer larretan Urbiako artzaina

Anbulatorio ingurutik ihes egin zuen behi batek izua eragin zuen feria egunean. Izua bakarrik ez, ihesaldian hainbat lagun azpian hartu zituen-eta behiak, anbulatorioan artatu behar izan zuten emakume bat tartean. Behiaren jabeak zenbait herritar eta munizipalak saiatu ziren behia gerarazten, baina Madalako zubia pasa eta N-634 errepidetik Melitongo zubiraino ailegatu zen ia, baretu eta berriz ere feria gunera bueltatzea lortu zuten arte.
Behiaren sustoaz aparte, lasaia eta jendetsua izan zen 2010ko azken eguna. Eguraldi eguzkitsu eta tenperatura epelek erakarrita jende mordoa batu zen Gabon Zahar ferian.

•Argazkiak: (Gabon Zahar Feriako argazki guztiak MEDIATEKAN)


















{mosimage}	{mosimage}

Gizartea Elgoibar