12.540 euro lortu ditugu BARRENen aldeko kanpainan

 

Amaitu da “Ni ere banaiz BARREN” kanpaina. 2010eko defizitari aurre egiteko irakurleoi diru-laguntza eskatzea erabaki zuen BARREN astekariak, eta 12.540 euro lortu ditugu BARRENen aldeko bost euroko bono laguntzak salduz. Eskerrik asko guztioi. Laguntza bonoak erosi dituztenen artean eginiko zozketan, berriz, 950 zenbakia izan da saritua (ordezko zenbakia: 2.903). Zenbaki sarituaren jabeak hilabeteko epea izango du saria -bi lagunentzako dastatze menua Belaustegi jatetxean- jasotzeko.