Napoka Iriak zuzenean grabatuko du taldearen estreinako lan luzea

 

2005ean Ander Mujika eta Miren Narbaiza lagunek sorturiko musika egitasmoa da Napoka Iria. Urte hauetan guztietan dozenaka emanaldi eskaini dituzte, gehienak areto txiki, taberna eta gaztetxeetan, non gitarren eta ahotsen jokoak benetako indarra hartzen duten. Zuzeneko kontzertuei dagokionean, aipatu beharra dago Japonian zehar egindako kontzertu bira txikia.

  Orain, zuzenean grabatuko dute iraupen luzeko lehen diskoa. Hitzordua Bergarako Zabalotegi antzokian izango da domeka honetan (urtarrilak 9). Ehun pertsona baino askoz gehiago ez dira sartzen Zabalotegin, beraz azkar ibiltzea komeni da.

• Informazio zabalagoa: myspace.com/napokairia

Bideoklipa: "Poorstraat 58"

{vimeo}14591942{/vimeo}