Vielhako hotel batean lan egiten du harreragile moduan, baina lana eta gozamena ederki uztartzen ikasi du. Aukera duenean Baqueirako pistetara joaten da gehien gustatzen zaion kirola egitera: snowboard-a.
Lehen haurtzaroa Mutrikun igaro zuen Olaiz Txurrukak, urte mordoa egin zituen gero Elgoibarren eta orain dela urte eta erditik hona Aran bailaran (Katalunia) bizi da. Aran bailara zapaldu zuenetik harekin maitemindu zen; “liluraturik laga ninduen”, dio.
Noizean behin herrimin pixka bat sentitzen duela aitortzen duen arren, Euskal Herrira osteratxoa eginda sendatzen du: “Pilak kargatuta” itzultzen da Aran bailarara. Han mendiak eta elurra ditu zain (iturria: eitb.com).