Etxegiña taldekoak otsailaren 5ean, zapatuan, irtengo dira santa eskean herriko kale eta auzoetan barrena. Goizeko 9:00etan abiatuko dira Bolatokitik. Ohitura duten moduan, bi taldetan banatuko dira eta Urasandi auzoan elkartuko dira gero berriz. La Union elkartean hamarretakoa egin ondoren kaleetan koplak abesten jarraituko dute. Azkenik, partaide guztiek bazkaria izango dute Baltasar Elkartean. Parte hartu nahi dutenek martitzenean eta eguenean Kultur Etxeko hitzaldi gelan egingo dituzten entsegu libreetara agertu besterik ez dute. Entseguok 20:00etan hasiko dira.
Azken bi urteetan zorte nahiko txarra izan dute Etxegiña taldekoek eguraldiarekin, bietan ere euripean aritu behar izan zuten-eta. Ea aurtengorako Santa Ageda koplarietaz errukitzen den.
|
|
•Santa Agedako argazkiak: