Pilarreko zahar etxearen proiektua geldiarazteko eskatu du ezker abertzaleak

elgoibarren.net 2011ko ots. 2a, 11:27
Deskargatu Info Ahotsak :

{vimeo}19323468{/vimeo}Maiatzean egingo diren Udal hauteskundeak “pasatu arte” Pilarreko zahar etxearen proiektua geldiarazteko eskatu dio, beste behin, Elgoibarko ezker abertzaleak Elgoibarko Udalari. Batetik, Pilar ikastetxea izan zena zahar etxe bihurtzeko proiektuaren inguruan Udalak erakutsi dituen “inprobisazioa eta inkonpetentzia” salatu nahi ditu ezker abertzaleak; eta, bestetik, “herritarrei bizkarra ematen ari direla, beste gai askotan bezala”.
Ezker abertzaleak gai honen inguruan duen iritzia, bere osotasunean, ezagutzeko Elgoibartarrok blogera igo duten goiko bideoa ikus dezakezue.


 Nagusien eta ongizate arloan sentsibilitate faltaz jokatu izana leporatu dio Elgoibarko ezker abertzaleak EAJri. “PNVak, isiltasunez eta ezentzunez jardun izan du zenbait urteetan, arlo hauetan duen sentsibilitate faltaren adierazgarri. Izan ere, errentagarriak ez diren arloak ez zaizkie benetan interesatzen. Pilarreko orubea nahi gabe eta dohainik eskuratzeko aukera izan duenean etorri zaio PNVri aldaketa gogoa, eta bat bateko sentsibilizazioa. Eta presa”, azaldu dute ezker abertzaleko ordezkariek prentsari helarazitako idatzian. Ezker abertzaleak, ostera, nagusien eta ongizate arloan dauden beharrak azaleratzen hasi zenetik hamar urte igaro direla nabarmendu dute idatzi berean.

 Zentro soziosanitario bat jartzeko lekurik aproposena Urasandi Berri deituriko eremua dela defendatzen du ezker abertzaleak. Zahar egoitza, anbulategia eta Gurutze Gorrikoen egoitza elkarren ondoan jartzeko aukera emango lukeela diote eta San Lazaro egoitzatik gertu egongo litzatekeela, gainera. “Baina horrek 460 etxe egitea oztopatzen duenez, ez zaie interesatzen. Bestalde, Pilarren etxeak ere egin daitezke”, adierazi dute.
 “Kazikismoan” ez erortzeko eta udal hauteskundeak pasatu arte “Elgoibarko herriari, eta herritarrei larriki eragiten dion proiektu erraldoia” gelditzeko eskatzen dio Elgoibarko ezker abertzaleak alkatetzari. 
 
 
 
 
Politika Elgoibar