“Eraso sexistarik ez!” lemapean egingo dute, bihar, hilak 9, emakumeen aurkako indarkeria salatzeko kontzentrazioa. Plaza Handian izango da, 19:00etan.
Bestalde, Elgoibarko Udalak, Tokiko Gobernu Batzordearen bitartez, joan den domekan Elgoibarren gertatu zen “emakumeen aurkako indarkeria kasuaren aurrean” erabateko gaitzespena adierazteko idatzia adostu du.
- Irakurri osorik hemen: Emakumeen Aurkako Indarkeria Ororen Gaitzespena (PDF)
•Baldintzapeko askatasunean
Bikotekidea erasotzeagatik atxilotu zuten 36 urteko gizonezkoa Eibarko epaitegiaren eskuetan laga zuten, domekan bertan, Ertzaintzako agenteek. Ertzaintzako iturriek jakinarazitakoaren arabera, epaileak baldintzapeko askatasunean laga zuen, eta, hortaz, hamabostean behin epailearen aurrean aurkeztu beharko du, epaiketa egin arte. Horiek dira, momentuz, eraso sexistak egin izanagatik aurrekariak dituen ustezko erasotzaile elgoibartarra kontrolpean izateko epaileak hartu dituen neurriak.
Bikotekidearen erasoetatik ihesi, bere burua leihotik bota zuen emakumeak, bestalde, bere kabuz eskatu zuen alta, astelehen goizean. Jaso zituen hainbat kolpeen ondorioz Mendaroko Ospitalean pasa zuen domeka gaua.
Urasandi auzoko zenbait bizilagunen testigantzak jaso ditu eitbk ondorengo bideoan: