Azaola baserriko Asier Lizarraldek izan zuen sagardoa lagunartean egiteko ideia. Bere koadrilakoek baserri munduarekin harreman handirik ez daukaten arren, ilusioz hartu zuten Asierren proposamena. Joan den urteko irailean batu zituzten sagarretatik 370 bat litro sagardo atera dituzte, gutxi gora behera. Probatu ere egin dute, eta lehenengo aldia izateko ona dagoela adierazi dute. Sagardo botilak beste hilabete batez lagako dituzte ontzen, eta akaso, Trinitate jaietan egiten den sagardo dastatzean parte hartuko dute.
"Errepikatzeko moduko esperientzia izan da, dudarik gabe, eta gauza asko ikasi ditugu", esan dute sagardogintzan aritu diren lagunek: Eñaut Izagirre, Ibai Oiarzabal, Isaak Bilbatua, Asier Lizarralde, Hasier Murua, Julen Salaberria, Iñigo Zubiaurre eta Mikel Arosak. Sagardotegietara joatea gustatzen zaie, baina aurrerantzean Azaola bihurtuko dute lagunentzako sagardotegi.
•Argazkiak:
|
|
|
|
|
|
|
|
|
|
|
|
|
|
