Elgoibartik San Telmora

 

Makina erremintaren museoak San Telmokoari lagako dion makina 1920. urte inguruan egin zuten Debabarrenan. Motor elektrikorik gabeko makina bat da, hau da, transmisioak poleen eta uhalen bitartez funtzionatzen du. Joan den mendeko 40. hamarkadara arte era honetako makinak ziren nagusi inguruko tailerretan. Aspaldi egin zieten lekua teknologia eta makina berriagoei, baina miragarria da antzinako makina horiek nola funtzionatzen duten ikustea, aukera horixe eskaintzen baitu, besteak beste, makina erremintaren museoak., ondorengo bideoan ikus daitekeen moduan:

{vimeo}4967510{/vimeo}
 Hemendik aurrera, San Telmo Museoan ere mirestu ahal izango da makina erremintaren museoari esker berreskuratu duten ondarearen zati bat. Berritze eta handiagotze proiektu garrantzitsu bat egin ahal izateko itxita egon da azken aldian San Telmo museoa, baina laster zabalduko ditu ateak.

•Museoaren ordutegia:

• Astelehenetik ostiralera: 8:00-13:00 eta 14:30-17:30
• Ekainatik-Urrira: larunbatetan, igande eta jaiegunetan: 10:00-13:00
• Abuztua: asteartetik igandera: 10:00-13:00 (Astelehena itxita)