38 herrialde ezberdinetako lagunak daude Elgoibarren erroldatuta

elgoibarren.net 2011ko ots. 25a, 09:19
Deskargatu Info Ahotsak :
es en fr

Elgoibarko Udalak emandako datuen arabera, 11.435 biztanle ditu Elgoibarrek. Horietatik 771, atzerritarrak dira (Espainiaz kanpokoak), eta talde horretan Marokoarrak eta Boliviarrak dira ugarienak. Mendaron, bestalde, 1.929 lagun daude erroldatuta, eta horietatik 85 atzerritarrak dira. Atzerritarren artean ia bostetik bat ekuadortarrak dira.

 
•Marokoarrak, boliviarrak eta ekuadortarrak ugarienak

Nortasunari eutsi nahian sortu zuen atzerritar talde batek Tawasol elkartea. Hiru taldekide ageri dira argazki honetan.

Elgoibarren 38 herrialde ezberdinetako lagunak ditugu gure artean. Atzerritarrak 771 dira guztira, eta, euren artean, gizonezkoak gehiago (412) emakumezkoak (359) baino. Jatorriz, marokoarrek osatzen dute talde handiena. Asko hasi da Elgoibarren erroldatutako marokoar kopurua: 63 lagun ziren 2008an, eta gaur egun 161 dira. Marokoarrek boliviarrei kendu diete lehen postua, azken urteetan Boliviatik etorritako lagunak izan baitira ugarienak. Une honetan 147 boliviar daude Elgoibarko Udalean erroldatuta, 2008an baino lau gehiago. Kontutan hartzeko kopuruak dira portugaldarrak (71) eta errumaniarrak (64).

  Mendaron, bestalde, eta 2011. urteko urtarrilaren 1eko datuen arabera, 22 herrialde ezberdinetako lagunak daude erroldatuta. Ekuadortik etorritakoek osatzen dute, alde handiarekin, kopuru handiena, 15 lagunekin. Ekuadortarren ostean, senegaldarren eta marokoarren taldeak dira handienak. Beheragoko tauletan ikus ditzakezue Elgoibarren eta Mendaron bizi diren atzerritarren kopuruak eta jatorriak.

•Krisiarekin ere gora
  Krisi ekonomikoaren lehenengo zantzuak nabaritzen hasi baino lehen, 2008. urte hasieran, 542 atzerritar zeuden Elgoibarren erroldatuta. Handik hona igaro diren hiru urtetan 229 atzerritar gehiago erroldatu dira Elgoibarko Udalean. 2010. urte amaiean 771 atzerritar zeuden erroldatuta, hau da, biztanleen % 6,74 atzerritarrak dira. Hortaz, esan liteke krisia ez dela oztopo izan orain urte batzuk hasitako joeran, 2000. urtetik hona izugarri hasi baita atzerritarren kopurua. Datu bat: orain dela hamar urte 14 atzerritar zeuden Elgoibarren erroldatuta. Ikusi ondorengo taulan atzerritar kopuruaren bilakaera urtez-urte.
 1996  2000  2001  2002  2003 2004   2005  2006 2007  2008 2009
2010
 56  14  14  45  30 47
  81  142 393
 542
 716
 771
 
•Bizilagun kopuruak gora egin du
Elgoibarrek 11.435 bizilagun ditu; 5.704 gizonezko eta 5.731 emakumezko. 2004tik hona gora egin du bizilagunen kopuruak. Ikusi ondorengo taulan biztanleriaren bilakaera urtez urte.
 2001  2002 2003   2004  2005
2006  2007  2008
2009
 2010 2010
 10.667  10.614 10.637   10.524  10.538 10.690  10.893  11.051 11.220 11.324 11.435
 
•Atzerritarrak Elgoibarren eta Mendaron

1706639187659 38 herrialde ezberdinetako lagunak daude Elgoibarren erroldatuta

1706639187717 38 herrialde ezberdinetako lagunak daude Elgoibarren erroldatuta
 
Gizartea Elgoibar