Inauteriek ez dute etenik

elgoibarren.net 2011ko mar. 8a, 13:50
Deskargatu Info Ahotsak :
es en fr


Joan den barixakuan euskal inauteriekin hasi eta asteburuan eztanda egin ostean, gaur izango dute segida inauteriek. Mozorro festa 16:30ean hasiko da Plaza Handian. Sinuosek ere ez du hutsik egingo, orain dela 15 urtetik hona, inauteriekin duten zitarekin. Gaueko 22:30ean hasita, musikarekin esperimentatuko dute Kultur Etxeko sotoan. Azken txanpa girotzen joateko, zapatuko kaleko giroa jaso dugu honako bideoan.


•Inauteri-martitzeneko egitaraua
  • 16:30 Mozorro festa. Plaza Handian.
  • 17:00 Kiki, Koko eta Moko pailazoak. Plaza Handian.
  • 18:30 Mauxitxa txaranga.
  • 18:30 Gelatxo Orkestra. Dantzaldia eta mozorro lehiaketa, jubilatuen egoitzan.
  • 22:30 Sinuose. Kultur Etxeko sotoan.

•Sinuose, hamabosgarrenean aidanez

Sinuoseren 2010eko emanaldiko irudi bat.

Orain dela hamabost urte hasi zen Sinuose inauterietako martitzen gaua girotzen, eta aurten ere ez dute hutsik egingo. Gaueko 22:30ean hasita, musikarekin esperimentatuko dute Kultur Etxeko sotoan. Iban Urizarrek eta Patxi Zabaletak osatzen dute Sinuose. Malape tabernan estreinatu zuten inauterietako musika saioa, eta azken urteotan Kultur Etxeko sotoan batzen dira musikarekin esperimentatzeko.
 Elgoibarren eta elgoibartarrentzat sortu zuten Sinuose, eta hamabost urte hauetan era askotako musika saioak eskaini dituzte. Hemendik aurrera, Sinuosek zenbat urte iraungo duen ez dakite, baina argi dute musika egitea gustuko dutela eta elgoibartarrei musika eskaintzen jarraituko dutela.
 
 
 
 
Gizartea Elgoibar