Espainiako Auzitegi Nazionalaren aginduz, Guardia Zibilak Euskaldunon Egunkaria itxi zuten garaikoa da kontua. Martxelo Otamendi Egunkaria-ko
zuzendariak Guardia Zibilaren aldetik jasotako torturak salatu zituen
kartzelatik irten berritan, eta salaketa haien ondoren, Espainiako
erregea "torturatzaileen burua" zela esan zuen Otegik. 2003. urtea zen.
EAEko Auzitegi Nagusiak errugabe jo zuen Otegi, baina gero, 2005ean,
Espainiako Auzitegi Gorenak urtebeteko espetxe zigorra ezarri zion, eta
Konstituzionalak ez zuen zigortuaren babes helegitea onartu.
Hala, Espainiako Justiziako bide guztiak itxita, Defentsak Europara jo zuen, babes eske. Estrasburgok 2008an onartu zuen helegitea tramitera, eta orain arrazoia eman dio Otegiri. Espainiako Estatuak auzibideko hiru mila euroko kostua ere ordaindu beharko du.
- Albistea medioetan: eitb.com; berria.info; gara.net; diariovasco.com; noticiasdegipuzkoa.com