"La novia de Juan Lucero" filma emango dute zapatu arratsalde honetan TVE1-eko Cine de Barrio saio beteranoan -1995ean aireratu zuten-. Juanita Reina Koplaren Erregina da filmeko protagonista, eta haren heriotzaren hamabigarren urteurrena betetzen dela-eta omenaldi txiki bat egin nahi izan diote Cine de Barrio saiokoek. Horiek horrela, Natalia Mellado eta Sylvia Pantoja gonbidatu dituzte saiora, Juanita Reinak ezagun egin zituen abesti bana abestera. La Lola se va a los puertos filmeko Una Cantaora abestia eskainiko du elgoibartarrak.
‘Antologia de la Copla’
Madrileko Gran Vian, Coliseum antzokian, estreinatu zuten ikuskizuna joan den asteburuan. "Izugarria izan da horrelako leku esanguratsuan abestea. Are gehiago eszenatoki gainean 30 musikari izan ginela kontutan hartuta". Horrelako ikuskizun bateko kartel burua izatea "aurrerapauso handia" izango dela 14 urterekin hasi zuen artista karreran uste du: "Madril guztitik ikus zitezkeen karteletan nire izena eta argazkia Manolo Escobar, Sylvia Pantoja edo Carlos Vargas moduko artisten ondoan ikustea berezia izan da oso", aitortu du.
Datozen hilabeteetan Espainia guztia zeharkatuko du Nataliak ‘Antologia de la Copla’ ikuskizunarekin. Maiatzaren 6, 7 eta 8an ailegatuko da Bilbora, Campos Eliseos Antzokira, hain zuzen ere.
|
|
