Real Academia Galega erakundeak 1963an antolatu zuen estreinakoz Dia das Letras Galegas edo Galizierazko Letren Eguna izeneko ekitaldia. Ospakizun horren bitartez, galizierazko sortzaileak eta hizkuntza haren erabiltzaileak saritu nahi dituzte. Maiatzaren 17an ospatzen dute urtero, Rosalia de Castrok 1863ko maiatzaren 17an argitaratu zuen-eta Cantares Gallegos izeneko liburua. Galizierazko idazle hoberentzat hartua, Rexurdimento edo Pizkundearen bultzatzaile nagusietakoa izan zen Rosalia de Castro (1837-1885).
Aurten Lois Sanchez Pereiro idazle eta olerkaria omendu dute Galizierazko Letren Egunean.
Elgoibarko Galicia Etxeak antolatutako Semana Das Letras Galegas jaietan, literaturaz gain, Galiziako gastronomia eta musika nabarmendu ziren. Urtero bezala, Galiziako jaki tipikoak -olagarroa eta ardoa, bereziki- dastatzeko aukera egon da, asteburu osoan, Plaza Txikian egon den karpan. Irixoko gaita taldeak, berriz, doinu galiziarrez jantzi ditu ospakizunak. Gainera, Haritz Euskal Dantzari Taldeko kideekin batera folklore ikuskizuna eskaini zuten, zapatuan.
•Argazkiak:
|
|
|
|
|
|
