Lendinez eta Lazkano Eibarko duatloiko podiumean

 

 Euskal Herriko duatloi zirkuituko azken aurreko proba, Eibarko duatloiaren hogeigarren edizioa, jokatu zen domekan (maiatzak 8) Eibarren. Bertan, 68 mutilek eta 11 neskak parte hartu zuten sprint distantzian (5km-25km-2.5km) jokatu zen proban.

Gizonezkoetan Patxi Urizar billabonatarra izan zen irabazlea (1:08:20), Luis Mari anaiaren aurretik. Bi anaiak elkarrekin sartu ziren helmugan, segundo bakar bateko aldeaz. Bi anaiengadik 25 segundora ailegatu zen helmugara Iñigo Lazkano mendaroarra. Antxitxika egin beharreko lehen bost kilometroak hamazazpi minutu eta 50 segundotan egin zituen Lazkanok. Bizikleta gaineko zatia 41 minutu eta 54 segundotan osatu zuen eta saltaka egin beharreko azken partziala bederatzi minutu eta bi segundotan egin zuen. Orotara, 1:08:48ko denbora. Urgazi triatloi taldeko Josean Ruiz eta Javi Fernandez elgoibartarrek ere parte hartu zuten proban eta 15. eta 54. postuetan sailkatu ziren, hurrenez hurren.

Lendinez Gipuzkoako txapeldun
Emakumezkoen proban, Radka Vodickova (T. Fuente Alamo) txekiarrak lortu zuen garaipena. Ainhoa Lendinez sailkatu zen bigarren postuan eta Leire Etxezarretak eskuratu zuen hirugarren postua. Eibarko duatloia Gipuzkoako Duatloi Sprint Txapelketa ere bazen, eta, Ainhoa Lendinez izan zenez helmuga gurutzatu zuen lehen gipuzkoarra, bera dugu duatloi modalitate honetako Gipuzkoako txapeldun berria.

•Neskak (11 guztira):

1. Radka Vodikova: 18:58-46:12-09:32 (1:14:42)
2. Ainhoa Lendinez: 20:26-47:51-09:46 (1:18:03)
3. Leire Etxezarreta: 20:54-47:39-10:07 (1:18:40)

*Sailkapen osoa

•Mutilak (68 guztira):
    1. Patxi Urizar: 17:49-41:29-09:02 (1:08:20)
    2. Luis Mari Urizar: 18:23-40:47-09:11 (1:08:21)
    3. Iñigo Lazkano: 17:50-41:54-09:02 (1:08:46)
    15. Josean Ruiz: 19:01-46:03-08:58 (1:14:02)
    54. Javi Fernandez: 19:57-53:44-09:54 (1:23:35)

*Sailkapen osoa