Trikitixa eta txalaparta doinuekin eman zioten hasiera Bildukoek, joan den zapatuan (maiatzak 14), Plaza Handian egin zuten ekitaldi politikoari. Bildu Elgoibarko hiru hautagaik hartu zuten hitza ondoren: Jose Luis Ibarzabal alkategaiak, Jon Peli Uriguenek eta Ainhoa Mendibilek Bilduren hauteskunde programako punturik garrantzitsuenak azaldu zizkieten bertaratutakoei.
|
|
•Gipuzkoako Batzar Nagusietarako hautagaien adierazpenak
Ander Rodriguez eta Iñaki Agirrezabalaga, Gipuzkoako Batzar Nagusietarako Bilduko hautagaiek ere parte hartu zuten Elgoibarko Bilduk antolatutako ekitaldian. Rodriguezek orain arte ez dutela denak batzea lortu, eta aukera hau probestu beharrekoa dela nabarmendu zuen. Zumaiako alkatea den Agirrezabalagak, berriz, PNV, PP eta PSOEk "hiruko aliantza" osatzen dutela adierazi zuen. Eta zera gaineratu zuen: Aldaketa ezkerretik iristen ari da, konplexurik gabeko subiranismotik, ezberdinen arteko adostasunak lortzeko gai garenon eskutik, Euskal Herrian bakea, normalizazio politikoa eta benetako demokrazia behingoz lortzeko gurea arriskatzeko prest gaudela erakutsi dugunon eskutik". Hemen irakur dezakezue Agirrezabalagak Elgoibarren eskaini zuen diskurtsoa osorik.
Ander Rodriguez eta Iñaki Agirrezabalaga, Gipuzkoako Batzar Nagusietarako Bilduko hautagaiek ere parte hartu zuten Elgoibarko Bilduk antolatutako ekitaldian. Rodriguezek orain arte ez dutela denak batzea lortu, eta aukera hau probestu beharrekoa dela nabarmendu zuen. Zumaiako alkatea den Agirrezabalagak, berriz, PNV, PP eta PSOEk "hiruko aliantza" osatzen dutela adierazi zuen. Eta zera gaineratu zuen: Aldaketa ezkerretik iristen ari da, konplexurik gabeko subiranismotik, ezberdinen arteko adostasunak lortzeko gai garenon eskutik, Euskal Herrian bakea, normalizazio politikoa eta benetako demokrazia behingoz lortzeko gurea arriskatzeko prest gaudela erakutsi dugunon eskutik". Hemen irakur dezakezue Agirrezabalagak Elgoibarren eskaini zuen diskurtsoa osorik.
Ekitaldiari amaiera emateko, Bilduren aldeko hainbat herritar igo ziren oholtza gainera. Guztien izenean bi herritarrek hartu zuten hitza eta Bilduren alde zergatik dauden azaldu zuten jendaurrean.
Bideoa eta informazio gehiago: bildu.info/elgoibar
{youtube}tqafidrH-Z8&feature=player_embedded{/youtube}
∞Lotura duten albisteak:
- Bertan behera geratu da PSE-EEren kanpainako ekitaldia (2011-05-12)
- Joanes Rodriguez: “Herriko gazteei babesa eskainiz bakarrik lortuko dugu etorkizuneko Elgoibar” (2011-05-11)
- Bildu hauteskundeetan egongo da (2011-05-06)
- Jose Luis Ibarzabal: "Politika egiteko modu berriak eraman nahi ditu Bilduk Udalera" (2011-05-05)
- Alkategaiak galderak erantzuten (2011-05-04)
- Argitaratu dituzte hauteskundeetarako hautagaien zerrendak (2011-04-20)